គោលបំណង
-បង្ហាញទស្សនប្រកបដោយទំនួលខុសត្រូវរបស់ព្រះពុទ្ធសាសនាលើវិស័យយុត្តិធម៌ជាពិសេសការដឹងនាំមនុស្សឲ្យស្ថិតក្នុងភាពអធ្យាស្រ័យគ្នាទៅវិញទៅមក
ប្រកបដោយព្រហ្មវិហារធម៌ នឹងផ្អែកទៅលើទ្រឹស្តី ពិតបួនយ៉ាង(អរិយសច្ច៤) ដើម្បីឲ្យបានជាគោលគំនិត សម្រាប់សមណនិស្សិត
និស្សិតយកមកត្រិះរិះពិចារណាក្នុងការអនុវត្តជាក់ស្តែងប្រចាំថ្ងៃ ។
ទោះស្ថិតនៅក្នុងសម័យទន់ខ្សោយ
ឬរីកចំរើនយ៉ាងណាក៏ដោយ វត្តអារាមទាំងអស់ក្នុងព្រះពុទ្ធសាសនា
នៅតែមានសារៈសំខាន់ក្នុងការចូលរួមផ្សព្វផ្សាយ និងពង្រីកវឌ្ឍនភាពនៃ យុត្តិធម៌ ទៅក្នុងសង្គមខ្មែរ
តាមរយៈទ្រឹស្តីទស្សនវិជ្ជាព្រះពុទ្ធសាសនា ដើម្បីដឹកនាំប្រជាពលរដ្ឋឲ្យ មានចិត្ត
គំនិតស្លួតត្រង់ប្រកបដោយគតិបណិ្ឌត ស្គាល់គុណ ស្គាល់ទោស ស្គាល់ខុស ស្គាល់ត្រូវ
ចេះវិនិច្ឆ័យពិចារណារកការពិតនៃទំនាស់ប្រកបដោយយុត្តិធម៌ ក្រមសីលធម៌ និងចរិយាធម៌។
ប្រជាជនខ្មែរស្អប់ខ្ពើមភាពអយុត្តិធម៌ និងឈ្លោះទាស់ទែងគ្នាខ្លាំងណាស់។ បើមានទំនាស់កើតឡើង
តែងនាំគ្នាទៅវត្តដើម្បីនិមន្តលោកគ្រូចៅអធិការជួយផ្សះផ្សារ ឬរកយុត្តិធម៌ ដើម្បីកុំឲ្យអធិករណ៍
កើតឡើង មានការប្តឹងប្តល់គ្នារហូតដល់តុលាការដែលនាំឲ្យខូចពេលវេលាកិត្តិយស
និងទ្រព្យ សម្បត្តិជាដើម ។ ប៉ុណ្ណោះ អាចសបញ្ជាក់ឲ្យដឹងបានថា ព្រះពុទ្ធសាសនាមិនចង់ឲ្យមនុស្ស
មានទំនាស់ហើយមិនចង់ឲ្យមានរឿងអយុត្តិធម៌កើតឡើងរវាងគ្នានឹងគ្នា។ តម្លៃរបស់វត្តអារាមចំពោះប្រជាពលរដ្ឋខ្មែរដែលបានលើកឡើងមកនេះបានបញ្ជាក់ឲ្យយើងដឹងថា ទំនាក់ទំនងរវាង
ព្រះពុទ្ធ សាសនាពិតជាមានមនោសញ្ចេតនាយ៉ាងជ្រាលជ្រៅមិនអាចនឹងកាត់ថ្លៃបាន ព្រោះ
ពុទ្ធសាសនា គឺជាព្រលឹងវិញ្ញាណ នៃប្រជាជនខ្មែរទាំងមូល។ ប្រជាពលរដ្ឋខ្មែរទោះតូចក្តីធំក្តី
ក៏សុទ្ធតែត្រូវបានទទួលការអប់រំផ្ទាល់ខ្លះ ប្រយោលខ្លះ តាមរយៈព្រះពុទ្ធសាសនា ព្រោះផ្នត់គំនិតរបស់
ខ្មែរទាំងមូលបានដក់ជាប់តាមនៅពុទ្ធោវាទ
ឬទស្សនវិជ្ជាព្រះពុទ្ធសាសនា ប៉ុន្តែប្រជាពលរដ្ឋ ខ្មែរមួយចំនួនមិនបានដឹងថា អ្វីដែលកំពុងប្រព្រឹត្តនោះស្ថិតនៅក្នុងកន្សោមនៃទស្សនវិជ្ជា
ព្រះពុទ្ធ សាសនានោះទេ។ តម្លៃអប់រំសីលធម៌ ចរិយា ធម៌ទាំងឡាយរបស់ឪពុកម្តាយចំពោះកូន គ្រូចំពោះ សិស្ស និងរដ្ឋាភិបាលចំពោះប្រជាជនក៏សុទ្ធតែបានស្រង់ចេញអំពីព្រះពុទ្ធោវាទយក
មកអនុវត្ត។ យើងអាចសង្កេតឃើញតាមរយៈឥរិយាបទប្រជាជនខ្មែរមានលក្ខណៈស្លូតបូត និយាយស្តីមាន
កំណត់ច្បាស់លាស់ប្រកបដោយសីលធម៌ ចូលចិត្តធ្វើអ្វីមួយមានហេតុផល ច្បាស់លាស់ប្រកប ដោយវិចារណញ្ញាណចេះអនុគ្រោះ
អាណិតអាសូរមានអាធ្យាស្រ័យស្រឡាញ់ រាប់អានគ្នា ចេះជួយគ្នាទៅវិញទៅមកពោរពេញទៅដោយទឹកចិត្តសប្បុរសធម៌
។ តែទង្វើនោះ បានមកពីបរបត់ទស្សនវិជ្ជាព្រះពុទ្ធសាសនា
ដែលបានចាក់ ឫសយ៉ាង មាំស៊ប់ក្នុងសណ្តានដូងចិត្តនៃប្រជាជនខ្មែរ ។
ព្រះពុទ្ធសាសនានៅតែមានមានតម្លៃជានិច្ចចំពោះប្រជាពលរដ្ឋខ្មែរ
ទោះបីសម័យទំនើបមាន ទស្សនៈប្រឆាំងជាមួយទស្សនៈព្រះពុទ្ធសាសនាយ៉ាងណាក៏ដោយ
សាសនានេះនៅតែងលើក កំពស់នូវការអភិវឌ្ឍធនធានមនុស្សជានិច្ច ដូចជាផ្ដល់ទីជំរកឲ្យព្រះសង្ឃ
សិស្ស និស្សិត និងអ្នក ដែលមិនមានទីពឹង បានស្នាក់នៅអាស្រ័យសិក្សាក្នុងវត្ត សកម្មភាពនេះគឺជាកត្តាដ៏សំខា ន់ក្នុងការ ចូលរួមលើកកំពស់វិស័យយុត្តិធម៌
និងកាត់បន្ថយនៅភាពក្រីក្រ និងអនុគ្រោះដល់ប្រជាពលរដ្ឋ ។
នៅពេលកូនក្នុងគ្រួសាររស់នៅបា្រសចាកគន្លងសីលធម៌
ឪពុកម្តាយតែងនឹកឃើញដល់វត្ត ព្រោះវត្តជាកន្លែងអប់រំដល់ផ្លូវចិត្តដ៏សក្តិសិទ្ធិបំផុត
ដែលអាចធ្វើឲ្យមនុស្សប្រព្រឹត្តអំពើអាក្រក់ឲ្យ ងាកមករកអំពើល្អវិញបាន។ ពិសេសជាងនោះទៅទៀតព្រះពុទ្ធសាសនា
គឺជាមជ្ឈមណ្ឌលនៃ សន្តិភាព យុត្តិធម៌ផ្អែកលើទ្រឹស្តីការពិតបួនយ៉ាង(អរិយសច្ច៤)
ដែលជាកត្តាសំខាន់បំផុតក្នុងការ ស្វែងរកសន្តិភាព និងសេចក្តីល្អក្នុងសង្គមហើយក៏ជាវិធីសាស្រ្តដ៏ប្រសើបំផុតក្នុងការដោះស្រាយ
ទំនាស់ ។ ទស្សនវិជ្ជាព្រះពុទ្ធសាសនាមានសារៈសំខាន់យ៉ាងនេះហើយ
ទើបបានរដ្ឋធម្មនុញ្ញនៃ ព្រះរាជាណាចក្រកម្ពុជាបានចែងនិងប្រកាសថា ព្រះពុទ្ធសាសនាជាសាសនារបស់រដ្ឋ
ព្រោះព្រះពុទ្ធ សាសនាជាមជ្ឈមណ្ឌលនៃជីវិតប្រជាជនខ្មែរយ៉ាងពិតៗ គ្មានជនជាតិខ្មែរណាម្នាក់មិន
ដែលធ្លាប់ ទទួលយកឥទ្ធិពលនៃសាសនានោះឡើយ ។
វាគ្រាន់តែជាមេរៀនទេតែត្រូវមានការពិចារណា ថាត្រឹមតូ្រវមានប្រយោជន៍ចាំទទួលយកណា!!
No comments:
Post a Comment